امید

یہ ایک ایسی خبر ہے جس پر لکھتے ہوئے دل خون کے آنسو روتا ہے سمجھ نہیں آتی کیا کہا جائے ۔ کیونکہ انسان اتنا بے حس ہو گیا ہے ۔ کہ اب تو موت بھی ایک عام سی بیماری لگتی ہے ۔ بتول تو بے گناہ تھی شہید ہو گی ۔ لیکن گناہگار ابھی تک کھلے عام پھیر رہے ہیں ۔

پہلے دن اللہ کو پیاری ہونے والیوں میں ایک آمنہ طاہر تھی جو میرے دفتر کے ساتھی کی بڑی بہن کی پوتی تھی ۔ وہ تو جا ملیں اپنے پیدا کرنے والے سے ۔ اللہ پسماندگان کو صبر عطا فرمائے ۔
لیکن ہم نے کیا سبق سیکھا ۔ وہی بے راہروی وہی سب کچھ ۔ طالبان کو وحشی درندہ کہہ دیا اور ہمارا فرض پورا ہو گیا

نہیں اجمل صاحب انہیں وحشی درندہ کہنا کافی نہیں۔ اگر آپ اسلام کے نکتہ ء نظر سے دیکھیں تو خون کا بدلہ خون ہوتا ہے۔ جنہوں نے یہ دہشت مچائ ہے اور جنکے دل اتنے سفاک ہیں کہ وہ معصوم لوگوں کو بھی نہیں بخشتے انکے ساتھ بھی اتنا ہی بد تر ہونا چاہئیے۔ ایسے سفاکوں کے ساتھ کس لئے نرم دلی اور کیوں انکے فلسفے کو ترویج دینے کی ضرورت۔

اللہ ان معصوم شہیدوں کو جنت میں جگہ عطا فرمائے۔ آمین

ايسی سبھی باتوں اور دُکھوں کے جواب ميں ہم کيا کرپاتے ہيں ؟ہمارے ہاتھ ميں کيا ہے وُہ پياری اور معصُوم بچياں جو اپنی عِلم کی پياس بُجھانے کی غرض سے نِکليں اور بھينٹ چڑھ گئيں ايسی سفاکی کی جِس کی مِثال نہيں مِلتی اور جِس کے بدلے ميں باقی بچوں کو گھروں ميں بند کر ديا گيا کيا چاہتے ہيں ہم لوگ؟
اپنے مُلک کی بقا اُس سے پيار کی اور کيا قيمت ادا کرنی ہوگی ؟